“Nag-inusara lagi ka?” Pangutana sa usa ka usisero nga tindera didto sa eskwelahan kun diin ko nagatudlo.

Wa ko kabalo kung unsa’y akong dapat itubag. Nagsagol akong kasuya, kakurat, og ang akong pagkaluoy sa tindera.

Nasuya kay astang pagka-atribida niya kanako, ug wa man unta nako siya gihilabtan kay naghilom-hilom ra man ko sa akong lamesa samtang gainom ko ug kape nga ako pang gilalisan kay iya untang butangan ug asukal. Nakurat kay wa ko naanad didto sa Pinas nga pangutan-on ko ug ing-ana nga pangutana (kanang, wa man gud gibawal sa amoang nasud muinom ug kape kung walay kauban. Basin sa Indonesia gi-classify ang kape isip usa ka ilimnon nga kinahanglan og parental supervision; mao sigurong pirteng siga sa mata ni ate inig makit-an ko niyang ga-inusara rang gainuom aning ilimnon nga matod nila, kinahanglan sagulan og asukal kay asta daw’ng paita). Naluoy kay kanang, no offenceconfident kaayo siya nga nangutana kanako, mura ganig universal law ang pagkakinahanglan nato og kauban inig manginum ta og kape. I am an independent person. Acheche!

So, ako siyang gitubang:

“Wala man gud akong misis, te.”

“Aw, asa man diay siya? Nia pud siya dinhi sa Indonesia?”

“Nia unta siya kung buhi pa siya karon. Gipusil man gud siya kadtong niaging tuig.”

Innalillahi wainnailaihi rojiun. Kinsa’y nipusil kaniya???”

“Ako, te.”

Hapit mahagbong ang nunal nga gakapyot sa simod sa tindera. Mangutana unta ko niya kung nunal ba gyud kini, o kugmo.

UPDATED: 20:15, 18 January 2016 (Jakarta Time). Gi-correctionan ko ni Ken kay mali-mali daw akong paggamit ug ug & og. Mao kini ang iyang tambag:

 

3 thoughts on “Ang Bisdak nga mi-order og kape sa Indonesia

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s